Archive for دل جون ڳالهيون

منهنجو احوال

ڪافي ڏينهن ٿيا بلاگ لاءِ ڪجھه ڪونه لکيو آهي. ڪافي مصروف ٿو رهان انڪري. اڄ ڪالھ ڪراچيءَ ۾ آهيان. سي ايس ايس جي تياري ڪافي زورشور سان هلندڙ آهي. گذريل سال بس هڪ سبجيڪٽ ۾ ناپاس ٿيو هيس ۽ تياري به پوري ساري هئي خير هن دفعي حالت ڪافي بهتر آهي. هڪ دل گھري دوست چواڻي ته هميشه سٺي جي اميد رکڻ گهرجي ۽ بري لاءِ تيار رهجي، مان به اميد ٿو ڪيان ته سٺو پلئه پوندو ۽ بري لاءِ تيار آهيان. باَقي اوهان دوستن جون دعائن جو طلبگار آهيان.

Leave a Comment

منهنجو من منجهيل ڇو آ

ڪجھ ڏينهن کان ڪافي سست لڳو پيو آهيان. جڏهن کان لاڙڪاڻو ڇڏيو آهي مزو ئِي نه ٿو اچي. عجيب قسم جي نِستائيءَ کي منهن ڏيان پيو. ان ڪيفيت جو ڪارڻ شايد منهنجو ڪراچي شفٽ ٿيڻ وارو فيصلو آهي جنهن ڪري مان منجهيل آهيان پر ڇا ڪجي ان حوالي سان ڪو ٻيو رستو به ته ڪونه آهي جو سوچجي. هونءَ به ته گذريل تيرهن سالن کان گهر ڇڏيل آهي ۽ هاسٽلن جي ورِ چڙهيل آهيان. ها اِهو سچ آهي ته هاڻي مان ٻاهر رهندي رهندي اڪيلائيءَ کان تنگ اچي ويو آهيان، ڪاش ڪو جادو هجي ها جو مان جيڪي ڪجھ ڪرڻ چاهيان  ٿو اُهو هت خيرپور ۾ ئي رهي ڪري سگهان ها پر ڪنهن شاعر سچ چيو آ ته:
 

هزارون خاهشين ايسي ڪي هر خاهش په دَم نڪلي!

انهيءَ ڪري سوچيان ٿو ته ان ڳالھ کي نه سوچيان پر سوچ تي به ته وس ڪونه ٿو هلي!   

Leave a Comment