Archive for December, 2006

منهنجو من منجهيل ڇو آ

ڪجھ ڏينهن کان ڪافي سست لڳو پيو آهيان. جڏهن کان لاڙڪاڻو ڇڏيو آهي مزو ئِي نه ٿو اچي. عجيب قسم جي نِستائيءَ کي منهن ڏيان پيو. ان ڪيفيت جو ڪارڻ شايد منهنجو ڪراچي شفٽ ٿيڻ وارو فيصلو آهي جنهن ڪري مان منجهيل آهيان پر ڇا ڪجي ان حوالي سان ڪو ٻيو رستو به ته ڪونه آهي جو سوچجي. هونءَ به ته گذريل تيرهن سالن کان گهر ڇڏيل آهي ۽ هاسٽلن جي ورِ چڙهيل آهيان. ها اِهو سچ آهي ته هاڻي مان ٻاهر رهندي رهندي اڪيلائيءَ کان تنگ اچي ويو آهيان، ڪاش ڪو جادو هجي ها جو مان جيڪي ڪجھ ڪرڻ چاهيان  ٿو اُهو هت خيرپور ۾ ئي رهي ڪري سگهان ها پر ڪنهن شاعر سچ چيو آ ته:
 

هزارون خاهشين ايسي ڪي هر خاهش په دَم نڪلي!

انهيءَ ڪري سوچيان ٿو ته ان ڳالھ کي نه سوچيان پر سوچ تي به ته وس ڪونه ٿو هلي!   

Advertisements

Leave a Comment

ڀليل آهيو


منهنجي هٿ ۾
زنجير ٻڌل ڏسي
مونکي قيدي ٿا ڀانئيو،
ڀليل آهيو،
مان ته قيدَ ۾ به آزاد آهيان ۽ اوهان

آزاديءَ ۾ قيد!
 

Comments (4)